Ejo kuwa 22/11/2022, muri Paruwase ya EMLR Cyamuti mu Murenge wa Nyabitekeri/Nyamasheke habaye umuhango wo guha ibyemezo n'ubutumwa amatsinda 9 y'abahinzi b'ababibyi b'ibyiringiro 483 bashoje amezi 10 biga amasomo y'ubuhinzi bw'umwimerere bubungabunga ibidukikije, kandi bukorwa hakurikijwe icyo Ijambo ry'Imana risaba. Ni gahunda Itorero rifatanyamo n'umuryango Hope International hagamijwe ko abahinzi b'Abakristo baba umusemburo wa kominote mu by'imirire myiza, ubukungu, kubunganunga ibidukikije no gukura mu by'umwuka. Igikorwa nk'iki kandi uyu munsi cyakomereje muri Paruwase ya Nyange mu Murenge wa Bugarama/Rusizi aho amatsinda 7 agizwe n'abahinzi 196 nabo bahawe ibyemezo n'ubutumwa.
